Pages

Shiva Aparadha Kshamapana Stotram in Oriya

Shiva  Aparadha  Kshamapana  Stotram – Oriya Lyrics (Text)
Shiva  Aparadha  Kshamapana  Stotram – Oriya Script  

Shiva  Aparadha  Kshamapana  Stotram  in Oriya
Shiva  Aparadha  Kshamapana  Stotram  in Oriya



ରଚନଆଦି ଶଂକରାଚାର୍ୟ

ଆଦୌ କର୍ମପ୍ରସଙ୍ଗାତ୍କଲୟତି କଲୁଷଂ ମାତୃକୁକ୍ଷୌ ସ୍ଥିତଂ ମାଂ
ଵିଣ୍ମୂତ୍ରାମେଧ୍ୟମଧ୍ୟେ କଥୟତି ନିତରାଂ ଜାଠରୋ ଜାତଵେଦାଃ |
ୟଦ୍ୟଦ୍ଵୈ ତତ୍ର ଦୁଃଖଂ ଵ୍ୟଥୟତି ନିତରାଂ ଶକ୍ୟତେ କେନ ଵକ୍ତୁଂ
କ୍ଷନ୍ତଵ୍ୟୋ ମେ‌ପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ||1||
ବାଲ୍ୟେ ଦୁଃଖାତିରେକୋ ମଲଲୁଲିତଵପୁଃ ସ୍ତନ୍ୟପାନେ ପିପାସା
ନୋ ଶକ୍ତଶ୍ଚେନ୍ଦ୍ରିୟେଭ୍ୟୋ ଭଵଗୁଣଜନିତାଃ ଜନ୍ତଵୋ ମାଂ ତୁଦନ୍ତି |
ନାନାରୋଗାଦିଦୁଃଖାଦ୍ରୁଦନପରଵଶଃ ଶଙ୍କରଂ ନ ସ୍ମରାମି
କ୍ଷନ୍ତଵ୍ୟୋ ମେ‌ପରାଧଃ ଶି ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ||2||
ପ୍ରୌଢୋ‌ହଂ ୟୌଵନସ୍ଥୋ ଵିଷୟଵିଷଧରୈଃ ପଞ୍ଚଭିର୍ମର୍ମସନ୍ଧୌ
ଦଷ୍ଟୋ ନଷ୍ଟୋ‌ଵିଵେକଃ ସୁତଧନୟୁଵତିସ୍ଵାଦୁସୌଖ୍ୟେ ନିଷଣ୍ଣଃ |
ଶୈଵୀଚିନ୍ତାଵିହୀନଂ ମମ ହୃଦୟମହୋ ମାନଗର୍ଵାଧିରୂଢଂ
କ୍ଷନ୍ତଵ୍ୟୋ ମେ‌ପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ||3||
ଵାର୍ଧକ୍ୟେ ଚେନ୍ଦ୍ରିୟାଣାଂ ଵିଗତଗତିମତିଶ୍ଚାଧିଦୈଵାଦିତାପୈଃ
ପାପୈ ରୋଗୈର୍ଵିୟୋଗୈସ୍ତ୍ଵନଵସିତଵପୁଃ ପ୍ରୌଢହୀନଂ ଚ ଦୀନମ |
ମିଥ୍ୟାମୋହାଭିଲାଷୈର୍ଭ୍ରମତି ମମ ମନୋ ଧୂର୍ଜଟେର୍ଧ୍ୟାନଶୂନ୍ୟଂ
କ୍ଷନ୍ତଵ୍ୟୋ ମେ‌ପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ||4||
ନୋ ଶକ୍ୟଂ ସ୍ମାର୍ତକର୍ମ ପ୍ରତିପଦଗହନପ୍ରତ୍ୟଵାୟାକୁଲାଖ୍ୟଂ
ଶ୍ରୌତେ ଵାର୍ତା କଥଂ ମେ ଦ୍ଵିଜକୁଲଵିହିତେ ବ୍ରହ୍ମମାର୍ଗେ‌ସୁସାରେ |
ଜ୍ଞାତୋ ଧର୍ମୋ ଵିଚାରୈଃ ଶ୍ରଵଣମନନୟୋଃ କିଂ ନିଦିଧ୍ୟାସିତଵ୍ୟଂ
କ୍ଷନ୍ତଵ୍ୟୋ ମେ‌ପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ||5||
ସ୍ନାତ୍ଵା ପ୍ରତ୍ୟୂଷକାଲେ ସ୍ନପନଵିଧିଵିଧୌ ନାହୃତଂ ଗାଙ୍ଗତୋୟଂ
ପୂଜାର୍ଥଂ ଵା କଦାଚିଦ୍ବହୁତରଗହନାତ୍ଖଣ୍ଡବିଲ୍ଵୀଦଲାନି |
ନାନୀତା ପଦ୍ମମାଲା ସରସି ଵିକସିତା ଗନ୍ଧଧୂପୈଃ ତ୍ଵଦର୍ଥଂ
କ୍ଷନ୍ତଵ୍ୟୋ ମେ‌ପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ||6||
ଦୁଗ୍ଧୈର୍ମଧ୍ଵାଜ୍ୟୁତୈର୍ଦଧିସିତସହିତୈଃ ସ୍ନାପିତଂ ନୈଵ ଲିଙ୍ଗଂ
ନୋ ଲିପ୍ତଂ ଚନ୍ଦନାଦ୍ୟୈଃ କନକଵିରଚିତୈଃ ପୂଜିତଂ ନ ପ୍ରସୂନୈଃ |
ଧୂପୈଃ କର୍ପୂରଦୀପୈର୍ଵିଵିଧରସୟୁତୈର୍ନୈଵ ଭକ୍ଷ୍ୟୋପହାରୈଃ
କ୍ଷନ୍ତଵ୍ୟୋ ମେ‌ପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ||7||
ଧ୍ୟାତ୍ଵା ଚିତ୍ତେ ଶିଵାଖ୍ୟଂ ପ୍ରଚୁରତରଧନଂ ନୈଵ ଦତ୍ତଂ ଦ୍ଵିଜେଭ୍ୟୋ
ଵ୍ୟଂ ତେ ଲକ୍ଷସଙ୍ଖ୍ୟୈର୍ହୁତଵହଵଦନେ ନାର୍ପିତଂ ବୀଜମନ୍ତ୍ରୈଃ |
ନୋ ତପ୍ତଂ ଗାଙ୍ଗାତୀରେ ଵ୍ରତଜନନିୟମୈଃ ରୁଦ୍ରଜାପ୍ୟୈର୍ନ ଵେଦୈଃ
କ୍ଷନ୍ତଵ୍ୟୋ ମେ‌ପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ||8||
ସ୍ଥିତ୍ଵା ସ୍ଥାନେ ସରୋଜେ ପ୍ରଣଵମୟମରୁତ୍କୁମ୍ଭକେ (କୁଣ୍ଡଲେ)ସୂକ୍ଷ୍ମମାର୍ଗେ
ଶାନ୍ତେ ସ୍ଵାନ୍ତେ ପ୍ରଲୀନେ ପ୍ରକଟିତଵିଭଵେ ଜ୍ୟୋତିରୂପେ‌ପରାଖ୍ୟେ |
ଲିଙ୍ଗଜ୍ଞେ ବ୍ରହ୍ମଵାକ୍ୟେ ସକଲତନୁଗତଂ ଶଙ୍କରଂ ନ ସ୍ମରାମି
କ୍ଷନ୍ତଵ୍ୟୋ ମେ‌ପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ||9||
ନଗ୍ନୋ ନିଃସଙ୍ଗଶୁଦ୍ଧସ୍ତ୍ରିଗୁଣଵିରହିତୋ ଧ୍ଵସ୍ତମୋହାନ୍ଧକାରୋ
ନାସାଗ୍ରେ ନ୍ୟସ୍ତଦୃଷ୍ଟିର୍ଵିଦିତଭଵଗୁଣୋ ନୈଵ ଦୃଷ୍ଟଃ କଦାଚିତ |
ଉନ୍ମନ୍ୟା‌ଵସ୍ଥୟା ତ୍ଵାଂ ଵିଗତକଲିମଲଂ ଶଙ୍କରଂ ନ ସ୍ମରାମି
କ୍ଷନ୍ତଵ୍ୟୋ ମେ‌ପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ||10||
ଚନ୍ଦ୍ରୋଦ୍ଭାସିତଶେଖରେ ସ୍ମରହରେ ଗଙ୍ଗାଧରେ ଶଙ୍କରେ
ସର୍ପୈର୍ଭୂଷିତକଣ୍ଠକର୍ଣୟୁଗଲେ (ଵିଵରେ)ନେତ୍ରୋତ୍ଥଵୈଶ୍ଵାନରେ |
ଦନ୍ତିତ୍ଵକ୍କୃତସୁନ୍ଦରାମ୍ବରଧରେ ତ୍ରୈଲୋକ୍ୟସାରେ ହରେ
ମୋକ୍ଷାର୍ଥଂ କୁରୁ ଚିତ୍ତଵୃତ୍ତିମଚଲାମନ୍ୟୈସ୍ତୁ କିଂ କର୍ମଭିଃ ||11||
କିଂ ଵା‌ନେନ ଧନେନ ଵାଜିକରିଭିଃ ପ୍ରାପ୍ତେନ ରାଜ୍ୟେନ କିଂ
କିଂ ଵା ପୁତ୍ରକଲତ୍ରମିତ୍ରପଶୁଭିର୍ଦେହେନ ଗେହେନ କିମ |
ଜ୍ଞାତ୍ଵୈତତ୍କ୍ଷଣଭଙ୍ଗୁରଂ ସପଦି ରେ ତ୍ୟାଜ୍ୟଂ ମନୋ ଦୂରତଃ
ସ୍ଵାତ୍ମାର୍ଥଂ ଗୁରୁଵାକ୍ୟତୋ ଭଜ ମନ ଶ୍ରୀପାର୍ଵତୀଵଲ୍ଲଭମ ||12||
ଆୟୁର୍ନଶ୍ୟତି ପଶ୍ୟତାଂ ପ୍ରତିଦିନଂ ୟାତି କ୍ଷୟଂ ୟୌଵନଂ
ପ୍ରତ୍ୟାୟାନ୍ତି ଗତାଃ ପୁନର୍ନ ଦିଵସାଃ କାଲୋ ଜଗଦ୍ଭକ୍ଷକଃ |
ଲକ୍ଷ୍ମୀସ୍ତୋୟତରଙ୍ଗଭଙ୍ଗଚପଲା ଵିଦ୍ୟୁଚ୍ଚଲଂ ଜୀଵିତଂ
ତସ୍ମାତ୍ତ୍ଵାଂ (ମାଂ)ଶରଣାଗତଂ ଶରଣଦ ତ୍ଵଂ ରକ୍ଷ ରକ୍ଷାଧୁନା ||13||
ଵନ୍ଦେ ଦେଵମୁମାପତିଂ ସୁରଗୁରୁଂ ଵନ୍ଦେ ଜଗତ୍କାରଣଂ
ଵନ୍ଦେ ପନ୍ନଗଭୂଷଣଂ ମୃଗଧରଂ ଵନ୍ଦେ ପଶୂନାଂ ପତିମ |
ଵନ୍ଦେ ସୂର୍ୟଶଶାଙ୍କଵହ୍ନିନୟନଂ ଵନ୍ଦେ ମୁକୁନ୍ଦପ୍ରିୟଂ
ଵନ୍ଦେ ଭକ୍ତଜନାଶ୍ରୟଂ ଚ ଵରଦଂ ଵନ୍ଦେ ଶିଵଂ ଶଙ୍କରମ ||14||
ଗାତ୍ରଂ ଭସ୍ମସିତଂ ଚ ହସିତଂ ହସ୍ତେ କପାଲଂ ସିତଂ
ଖଟ୍ଵାଙ୍ଗଂ ଚ ସିତଂ ସିତଶ୍ଚ ଵୃଷଭଃ କର୍ଣେ ସିତେ କୁଣ୍ଡଲେ |
ଗଙ୍ଗାଫେନସିତା ଜଟା ପଶୁପତେଶ୍ଚନ୍ଦ୍ରଃ ସିତୋ ମୂର୍ଧନି
ସୋ‌ୟଂ ସର୍ଵସିତୋ ଦଦାତୁ ଵିଭଵଂ ପାପକ୍ଷୟଂ ସର୍ଵଦା ||15||
କରଚରଣକୃତଂ ଵାକ୍କାୟଜଂ କର୍ମଜଂ ଵା
ଶ୍ରଵଣନୟନଜଂ ଵା ମାନସଂ ଵା‌ପରାଧମ |
ଵିହିତମଵିହିତଂ ଵା ସର୍ଵମେତତ୍କ୍ଷ୍ମସ୍ଵ
ଶିଵ ଶିଵ କରୁଣାବ୍ଧେ ଶ୍ରୀ ମହାଦେଵ ଶମ୍ଭୋ ||16||
||ଇତି ଶ୍ରୀମଦ ଶଙ୍କରାଚାର୍ୟକୃତ ଶିଵାପରାଧକ୍ଷମାପଣ ସ୍ତୋତ୍ରଂ ସଂପୂର୍ଣମ ||